இந்தியாவில் பாண்டுரெங்கப் பெருமாளுக்கு இரண்டு முக்கியமான ஆலயங்கள்தான் உள்ளன. ஒன்று, மகாராஷ்டிராவில் உள்ள பிரசித்திபெற்ற பண்டரிபுரம். மற்றொன்று, தமிழகத்தில் தூத்துக்குடி மாவட்டம் ஸ்ரீவைகுண்டம் தாலுகாவில், செய்துங்கநல்லூர் அருகே அமைந்துள்ள விட்டிலாபுரம் பாண்டுரெங்கர் கோவில். இதைத் ‘தென் பண்டரிபுரம்’ என்றும் பக்தர்கள் அழைக்கின்றனர். இந்தக் கோவில் உருவான வரலாறு மிகவும் சுவாரஸ்யமானது.

பாண்டுரெங்கர் விட்டிலாபுரம் வந்த கதை

சுமார் 16-ஆம் நூற்றாண்டில், விஜயநகரப் பேரரசை கிருஷ்ணதேவராயர் ஆண்டு வந்தார். அப்போது, அவரது பிரதிநிதியான இராமராயரின் சகோதரர் விட்டலராஜன் (அல்லது விட்டல தேவன்) என்பவர் தமிழ்நாட்டின் தென் பகுதியை நிர்வகித்து வந்தார்.

விட்டலராஜன் மகாராஷ்டிராவில் உள்ள பாண்டுரெங்கர் மீது அளவுகடந்த பக்தி கொண்டவர். தினமும் அவரை வணங்காமல் உறங்குவதோ, விழிப்பதோ இல்லை. போர் நிமித்தமாகத் தென்பகுதிக்கு வந்ததால், நீண்ட காலமாகப் பண்டரிபுரம் சென்று பாண்டுரெங்கரைத் தரிசிக்க முடியவில்லை என்ற குறை அவருக்கு இருந்தது.

ஒருநாள், தனது மனக்குறையை பெருமாளிடம் முறையிட்டார். “உம்மை நான் இங்கேயே வணங்கும்படி நீர் அருள் புரிய வேண்டும். அதற்கு நான் என்ன செய்ய வேண்டும்?” என்று கேட்டபடியே உறங்கிவிட்டார்.

அன்று இரவு, பாண்டுரெங்கர் அவரது கனவில் தோன்றி, “விட்டல மன்னா! கவலைப்படாதே. உன் ஆசை நிறைவேறும் நேரம் வந்துவிட்டது. நாளை நீ எழுந்து, தாமிரபரணி ஆற்றங்கரையில் உள்ள முறப்பநாடு கிராமத்திற்குச் செல். அங்கே தங்க நிறத்தில் ஒரு எலுமிச்சைப் பழம் மிதந்து வரும். அதைப் பின்தொடர்ந்து செல். அது நிற்கும் இடத்தில் நீ தோண்டிப் பார்த்தால், நான் உற்சவ மூர்த்தியாகக் கிடைப்பேன். அப்போது, வானத்தில் கருடன் வட்டமிட்டு மேற்கு நோக்கிப் பறந்து செல்லும். அது சுமார் இரண்டு கிலோமீட்டர் தொலைவில் நிற்கும். அந்தக் காட்டிடத்தில் என்னை நீ பிரதிஷ்டை செய்து வணங்குவாயாக! வடக்கே பண்டரிபுரத்தில் இருந்து அருள்புரிவதைப் போலவே, இந்தத் தென்புறக் கிராமத்தில் இருந்தும் என் பக்தர்களுக்கு அருள் புரிவேன்” என்று கூறி மறைந்தார்.

கோவில் கட்டிய விட்டலராஜன்

கனவு கண்ட மறுநாள் காலையே விட்டலராஜன் தாமிரபரணி நதிக்கரைக்கு விரைந்தார். கனவில் கூறியது போலவே, ஒரு தங்க நிற எலுமிச்சை மிதந்து வந்தது. அது ஆற்றில் மிதந்தபடி கிளம்ப, மன்னனும் தன் படையுடன் அதைப் பின்தொடர்ந்தார்.

அந்த எலுமிச்சை முத்தாலங்குறிச்சி கிராமத்தில் நின்றது. அந்த இடத்தில் தோண்டியபோது, மிக அழகான பாண்டுரெங்கரின் உற்சவர் சிலை கிடைத்தது. சிலை கிடைத்ததும், வானில் கருடன் வட்டமிட்டு மேற்கு நோக்கிப் பறக்க ஆரம்பித்தது. சுமார் இரண்டு கிலோமீட்டர் தொலைவில் உள்ள 116 நாட்டார்குளம் என்ற இடத்தில் கருடன் நின்று வட்டமிட்டது.

அதுவே பெருமாள் அமர விரும்பும் இடம் என்பதை உணர்ந்த மன்னன், அந்தக் காட்டை அழித்து, அங்கேயே பாண்டுரெங்கர் ஆலயத்தை நிர்மாணித்தார். அரசரின் பெயரால் அந்த இடம் ‘விட்டிலாபுரம்’ என்று அழைக்கப்பட்டது. கோவில் பாஞ்சராத்ர ஆகம விதிப்படி கட்டப்பட்டது.

கலைச் சிறப்பும் நிறைவடையாத கட்டுமானமும்
விட்டிலாபுரம் பாண்டுரெங்கர் கோவிலில் முதலில் ருக்மணி தேவிக்கான ஆலயத்தைக் கட்டத் தொடங்கினர். இந்தக் கோவிலில் அமைக்கப்பட்ட அழகிய சிற்ப வேலைப்பாடுகள் மிகுந்த சிறப்பு வாய்ந்தவை.

இந்தச் சிற்பங்கள் அனைத்தும் சிறு சிறு ஓவியங்களாகத் தீட்டப்பட்டிருந்தன.

இந்தச் சிற்பங்களின் வடிவங்களை அடிப்படையாகக் கொண்டுதான், சுமார் 30 ஆண்டுகளுக்குப் பிறகு பிரசித்திபெற்ற கிருஷ்ணாபுரம் பெருமாள் கோவில் கலைச் சிற்பங்கள் உருவாக்கப்பட்டன. அதனால் விட்டிலாபுரம் சிற்பங்கள் கிருஷ்ணாபுரம் சிற்பங்களுக்கு முன்னோடி என்று கருதப்படுகின்றன.

இந்தச் சிற்பங்களை வடிமைத்தவர்கள் விட்டலராஜனின் போர் வீரர்கள் என்பது வியக்கத்தக்கது.

கோவில் கட்டுமானப் பணிகள்

நடந்துகொண்டிருந்தபோது, விஜயநகரப் பேரரசுக்கும் திருவாங்கூர் மகாராஜனுக்கும் இடையே போர் மூண்டது. திருவாங்கூர் மன்னன் கப்பம் கட்ட மறுத்ததால், விட்டலராஜன் தலைமையில் ஒரு பெரும்படையைத் திருவாங்கூருக்குக் கிருஷ்ணதேவராயர் அனுப்பினார்.

இதனால், கோவிலை அவசரம் அவசரமாக முடிக்க வேண்டிய நிலை ஏற்பட்டது. கருவறையைச் சுற்றியும், சத்யபாமா அம்மன் கோவிலிலும் எந்தச் சிற்ப வேலைப்பாடும் செய்யப்படவில்லை. மேலும், முகப்புக் கட்டடமோ, இராஜகோபுரமோ கட்டப்படாமலேயே விட்டலராஜன் போருக்குப் புறப்பட வேண்டியிருந்தது.

போரில் வெற்றிபெற்றுத் திரும்பிய விட்டலராஜன், கன்னியாகுமரியில் போர்ச்சுகீசியர்கள் கன்னியாகுமரி அம்மன் கோவிலைக் கொள்ளையடிக்க முயன்றபோது, அவர்களைப் பேச்சுவார்த்தை மூலம் பின்வாங்கச் செய்தார். அதன் பின்னர் விட்டிலாபுரம் வந்தாலும், அவரால் இராஜகோபுரத்தைக் கட்ட முடிக்காமலேயே அவர் அங்கிருந்து சென்றுவிட்டார். அதன் பிறகுவந்தவர்களும் அந்தக் கட்டுமானத்தை முழுமை செய்யவில்லை.

முஸ்லிம் மக்களால் காக்கப்பட்ட பெருமாள் கோவில்

விட்டிலாபுரம் பாண்டுரெங்கர் கோவில் அமைந்திருக்கும் இந்தப் பகுதியில் இந்து – முஸ்லிம் மத ஒற்றுமைக்குச் சான்றாக ஒரு செவிவழிச் செய்தி இன்றும் பேசப்படுகிறது.

ஒரு காலத்தில், செய்துங்கநல்லூர் பகுதியில் முஸ்லிம் படையெடுப்பு நடந்தபோது, அங்குள்ள பல இந்துக்கள் இஸ்லாம் மதத்தைத் தழுவினர். அப்போது, செய்துங்கநல்லூரில் இருந்த ஒரு பெருமாள் கோவில் தாக்கப்பட்டு, அங்கிருந்த சிலைகள் கொள்ளையடிக்கப்படவிருந்தன.

மதம் மாறியிருந்தாலும்கூட, உள்ளூரில் வசித்த முஸ்லிம் மக்கள் தங்கள் முன்னோர்கள் வணங்கிய கோவிலின் சிலைகள் சேதமடையவோ, திருடப்படவோ கூடாது என்று விரும்பினர். அதனால், அந்தப் பெருமாள் கோவிலின் மூலவரை எடுத்து வந்து, விட்டிலாபுரம் பாண்டுரெங்கர் கோவிலில் ஒப்படைத்து, மூலவரைக் காப்பாற்றினார்களாம்.

அதன்பின், அந்தக் கோவில் வெளிப்படையாகத் தெரியாதவாறு, அதன் மேல் மரம், செடி, கொடிகளை வெட்டிப் போட்டு மறைத்தனர். வெளியூரைச் சேர்ந்த முஸ்லிம் படையினர் அது ஒரு காடு என்று நினைத்துத் திரும்பிச் சென்றுவிட்டனர்.

சுமார் 50 ஆண்டுகளுக்கு முன்பு, செடி கொடிகளால் சூழப்பட்டு, காடுபோலக் கிடந்த அந்த இடத்தில் பெருமாள் கோவில் இருந்தது கண்டறியப்பட்டது. அதனால் அந்த இடம் “காட்டு பெருமாள் கோவில்” என்றும் அழைக்கப்பட்டது. பின்னர் அங்கிருந்த மூலவர் மீண்டும் பிரதிஷ்டை செய்யப்பட்டதாகச் செவிவழியாகக் கூறப்படுகிறது.

இவ்வாறு, படையெடுப்பிலிருந்து அந்தப் பெருமாள் கோவிலின் மூலவரைக் காப்பாற்றிய பெருமை, அந்தப் பகுதியில் வாழ்ந்த முஸ்லிம் மக்களையே சேரும். இந்தக் கதை, விட்டிலாபுரம் பாண்டுரெங்கர் ஆலயம் மத நல்லிணக்கத்தின் எடுத்துக்காட்டாகத் திகழ்வதைச் சொல்கிறது.

=================================

நெல்லை வைணவத் தலங்கள்

தமிழகத்தின் தென்பகுதி, வற்றாத ஜீவநதியான தாமிரபரணி ஆற்றுடன் இணைந்து, பன்னெடுங்காலமாகப் புண்ணிய பூமி எனப் போற்றப்படுகிறது. குறிப்பாக, நெல்லை மற்றும் தூத்துக்குடி மாவட்டங்கள், வைணவ அடியார்களால் திவ்ய தேசங்களுக்கு இணையான சிறப்புடன் கொண்டாடப்படுகின்றன. இந்த மண், ஆழ்வார்களால் பாடப்பட்ட பெருமையையும், மகாவிஷ்ணுவின் பல்வேறு அற்புதத் திருவிளையாடல்களையும் தன்னகத்தே கொண்டுள்ளது. இந்த நூலின் நோக்கம், ‘நெல்லையப்பர் பூமி’ என்று அழைக்கப்படும் இந்தச் சீமையில் அமைந்துள்ள அனைத்துச் சிறப்புமிக்க வைணவத் திருத்தலங்களையும், அவற்றின் தொன்மைக் கதைகளையும், அவை அருளும் வரங்களையும் ஆவணப்படுத்துவதே ஆகும்.

தென் பண்டரிபுரமாக விளங்கும் விட்டிலாபுரம் பாண்டுரெங்கர் கோவில் மற்றும் கல்லிலே கலைவண்ணம் கண்ட கிருஷ்ணாபுரம் கலைக்கோயில் போன்றவற்றின் வரலாற்றுக் குறிப்புகளையும், கலைச் சிறப்புகளையும் இந்நூல் விரிவாகப் பேசுகிறது. இவற்றோடு, வாலியை வதம் செய்த காரணத்தினால் கள்ளவாண்ட சுவாமியான ராமர் கோவில், ஏழைகளின் திருப்பதி என்று அழைக்கப்படும் புன்னைநகர் வனத்திருப்பதி, மற்றும் நெல்லையில் ஒரு திருப்பதி, நெல்லையில் ஒரு ராமேஸ்வரம் என்றழைக்கப்படும் ஆலயங்கள் பற்றிய அதிசயச் செய்திகளும் தொகுக்கப்பட்டுள்ளன.

பக்தியால் நனைந்த தாமிரபரணிக் கரையில் சக்கரத்தாழ்வார், ஆஞ்சநேயர், விஷ்ணு துர்க்கை போன்ற துணைத் தெய்வங்களும் கூடத் தனிச்சிறப்புடன் அருள்பாலிக்கின்றனர். இந்த நூல், நெல்லையின் மறைக்கப்பட்ட, ஆனால் மகத்துவம் வாய்ந்த வைணவத் திருத்தலங்களுக்கு உங்களை வழிகாட்டுகிறது.

Buy: https://heritager.in/product/nellai-vainava-thalangal/

Buy Books related to Nellai: https://heritager.in/?s=%E0%AE%A8%E0%AF%86%E0%AE%B2%E0%AF%8D%E0%AE%B2%E0%AF%88+&post_type=product&product_cat=

====================================
வரலாற்று ஆர்வம் உள்ளவரா? உங்கள் தேடலுக்கு சரியான இடம்!

Heritager. in: கோவில் கலைகள், சங்க இலக்கியம், நாட்டுப்புறக் கலைகள், தொல்லியல், இனக்குழுக்கள் வரலாறு, மாவட்ட வரலாறு மற்றும் தமிழக வரலாற்றின் அரிய நூல்களை ஒரே இடத்தில் பெறுங்கள்.

WhatsApp இல் ஆர்டர் செய்ய:
WhatsApp: 097860 68908

உங்களுக்குப் பிடித்த புத்தகங்களை தேர்வு செய்ய:
இணையதளம்: www. heritager. in

நம் வரலாற்றை அடுத்த தலைமுறைக்குக் கொண்டு செல்வோம்!

நமது இணையதளத்தை உங்கள் நண்பர்களுக்கும் பரிந்துரை செய்யுங்கள்!

#திருநல்வேலி #குமரி #கன்னியாகுமரி #MustRead #HistoryBooks #NonFictionReads #BookCommunity #ReadersClub #BookReview #ReadingIsLife #tamilnovel #tamilstory #tamilpoetry #தமிழ் #தமிழ்நூல்கள் #நூல்கள் #வரலாறு #Heritager #Tamil #TamilNadu #TamilBooks #Books #Bookstore #History #Heritage #Art #Culture #Literature #SangamLiterature #HistoryBooks #Spirituality #Religion #BookLover #Reading #RareBooks #HeritagerBooks #ReadMore #AncientIndia #booklovers #bookstagram #bookrecommendations #tamilbook #tamilbookstore #BookPromotion #BookLaunch #NewBook #BookRelease #Bookstagram #ReadersOfInstagram #Bibliophile #IndieAuthor #History #WorldHistory #IndianHistory #TamilHistory #AncientHistory #HistoryLovers #KnowYourHistory #CulturalHeritage #Tamil #TamilCulture #TamilCivilization #TamilNadu #DravidianHistory #PrideOfTamils #TamilHeritage