இராமன் வழி வந்த சோழர்கள் செப்பேடுகள் உணர்த்தும் சூரிய வம்சத்தின் வரலாறு |
தமிழகத்தை ஆண்ட சோழ மன்னர்கள் தங்களை வெறும் நிலப்பரப்பின் ஆட்சியாளர்களாக மட்டும் கருதவில்லை; அவர்கள் தங்களை அறத்தின் காவலர்களாகவும், சூரிய வம்சத்தின் நேரடி வாரிசுகளாகவும் அறிவித்துக் கொண்டனர். இதற்குச் சான்றாக இராஜராஜ சோழன், இராஜேந்திர சோழன் உள்ளிட்ட பல மன்னர்கள் வெளியிட்ட செப்பேடுகள் விளங்குகின்றன.
இக்ஷ்வாகு வம்சமும் சோழர்களும்
தர்ம சாத்திரத்தை உலகிற்கு அளித்த மனுவின் வழித்தோன்றல்கள் சோழர்கள் என்பது வரலாற்றுப் பதிவு. மனுவின் புதல்வன் இக்ஷ்வாகு. இந்த இக்ஷ்வாகு வம்சத்தில்தான் உலகமே போற்றும் அவதார புருஷரான ஸ்ரீ இராமபிரான் அவதரித்தார். சோழர்களின் வம்சாவளிப் பட்டியலில் இராமபிரான் ஒரு முன்னோடியாகக் குறிக்கப்படுகிறார்.
குறிப்பாக, சித்தூர் மாவட்டம் சாராளா (Sarala) கிராமத்தில் கண்டெடுக்கப்பட்ட வீர இராஜேந்திர சோழனின் செப்பேடு (கி.பி. 1069), சோழ வம்சத்தின் முன்னோடிகளாக மனு, இக்ஷ்வாகு, அரிச்சந்திரன், முசுகுந்தன், பகீரதன் ஆகியோரைக் குறிப்பிடுகிறது. இவர்களுக்கு அடுத்தபடியாக திலீபன், இராமன், இலக்குவன், பரதன், சத்ருகன் ஆகிய நால்வரும் சோழ வம்சத்தைச் சார்ந்தவர்கள் என்று அந்தச் செப்பேடு மிகத் தெளிவாகப் பறைசாற்றுகிறது.
சங்க இலக்கியமும் செப்பேடுகளும் தரும் சான்றுகள்
சோழ மன்னர்கள் தங்களை ‘சூரிய குலத்தவர்’ என்று அழைத்துக் கொள்வதில் பெருமிதம் கொண்டனர்.மனு நீதிச் சோழன் கன்றுக்காகத் தன் மகனையே தேர்க்காலில் இட்ட மனுநீதிச் சோழனின் வரலாறு சிலப்பதிகாரம் முதல் பெரியபுராணம் வரை போற்றப்படுகிறது.
சிபிச் சக்ரவர்த்தி புறாவைக் காக்கத் தன் சதையை அறுத்தளித்த சிபிச் சக்ரவர்த்தி, சோழர்களின் முன்னோடி என்பதைப் புறநானூறு உள்ளிட்ட சங்க இலக்கியங்களும், லெய்டன் மற்றும் திருவாலங்காடு செப்பேடுகளும் உறுதிப்படுத்துகின்றன.கோதண்டராமன் பல சோழ மன்னர்கள் ‘கோதண்டராமன்’ என்ற பெயரையே தங்களது பட்டப் பெயராகச் சூட்டிக்கொண்டனர். இராமனை அறத்தின் வடிவமாக (தர்ம விக்கிரகம்) அவர்கள் போற்றினர்.
வடபுலமும் தென்புலமும் ஒரு வரலாற்று இணைப்பு
பண்டைய பாரதத்தில் அரச வம்சங்கள் ஒரு பகுதியில் இருந்து மற்றொரு பகுதிக்குச் சென்று ஆட்சி அமைப்பது வழக்கமாக இருந்துள்ளது. கங்கர் வம்சத்தினர் வங்காளத்தை ஆண்டதும், பல்லவர்களின் ஒரு கிளையினர் கர்நாடகத்தை ஆண்டதும் இதற்குச் சான்றுகள். அதேபோல, மனுவின் வழிவந்த இக்ஷ்வாகு வம்சம் இரு கிளைகளாகப் பிரிந்திருக்கலாம் என்று ஆய்வாளர்கள் கருதுகின்றனர். ஒரு கிளை வடக்கே சென்று அயோத்தியை மையமாக வைத்து ஆட்சி புரிய, மற்றொரு கிளை தெற்கே காவிரிக் கரையில் சோழப் பேரரசை நிறுவியது. அதனால்தான், அயோத்தி ராமனைத் தங்கள் குலத் தோன்றலாகச் சோழர்கள் கொண்டாடினர்.
பாண்டிய மன்னர்கள் அர்ஜுனனின் வழிவந்தவர்கள் என்று செப்பேடுகளில் கூறிக்கொள்வதைப் போலவே, சோழர்கள் தங்களை இராமனின் வழிவந்தவர்களாகக் கருதினர்.
கடல் கடந்த இராம காதை
இராமாயணம் என்பது பாரத தேசத்தின் எல்லைகளைத் தாண்டி, தென்கிழக்கு ஆசிய நாடுகளின் உயிர்நாடியாக இன்றும் விளங்குகிறது.தாய்லாந்து அந்நாட்டின் பழைய தலைநகர் ‘அயுத்யா’ (Ayutthaya) என்று அழைக்கப்பட்டது. இன்றும் தாய்லாந்து மன்னர்கள் ‘இராமன்’ என்ற பட்டப் பெயருடனேயே (எ.கா: இராம பத்தாம் – King Rama X) ஆட்சி புரிகின்றனர்.கம்போடியா அங்கோர்வாட் ஆலயத்தை எழுப்பிய மன்னர்கள், வைவஸ்வத மனுவின் அறநூலையே தங்களது ஆட்சி நெறியாகக் கொண்டனர்.
தமிழ்நாடும் இராமபிரானும்
தமிழ்நாடு இராமனுடன் பிரிக்க முடியாத பிணைப்பைக் கொண்டது. இராமன் நடந்த திரிந்த மண் இது. இங்கிருந்துதான் அவர் ‘இராம சேது’ அணை கட்டி இலங்கை சென்றார். இராமேஸ்வரத்தில் சிவபெருமானைப் பூஜித்தார். தனது குலதெய்வமான ரங்கநாதரை விபீஷணனுக்குப் பரிசாக அளிக்க, அது இன்று திருவரங்கமாகத் தமிழகத்தில் அருள்பாலித்து வருகிறது.”கல்வியிற் பெரியோன் கம்பன்” எழுதிய காவியம் தமிழ் மக்களின் ரத்தத்திலும் சதையிலும் ஊறியுள்ளது. கம்ப நாடன் கவிதை உள்ளவரை இராமனின் புகழ் இங்கிருக்கும்.
சோழர்கள் இராமனைத் தங்கள் வம்சத்தின் அடையாளமாகக் கருதியது, வெறும் அதிகாரத்திற்காக அல்ல; இராமன் காட்டிய அந்த ‘அறநெறி’யைத் தங்களது ஆட்சியிலும் நிலைநாட்டவே அவர்கள் விரும்பினர். இராமன் வழிவந்த சோழர்களின் வரலாற்றைப் போற்றுவது, தர்மத்தின் வெற்றியைக் கொண்டாடுவதற்குச் சமமாகும்.
#சோழர்கள் #இராமாயணம் #ஸ்ரீஇராமன் #தமிழ்வரலாறு #செப்பேடுகள் #இராஜராஜசோழன் #மனுநீதி #சூரியவம்சம் #கம்பராமாயணம் #சோழர்வரலாறு #பண்பாடு #Cholas #LordRama #TamilHeritage #HistoryOfTamilNadu #Inscription #SolarDynasty#Book #Books #Booklovers #TamilBooks #TamilLiterature #SangamLiterature #TamilHistory #SouthIndianHistory #DravidianArchitecture #TamilReads #Kalvettiyal #Top10Books #MustReadTamil #BookRecommendations #BestSellers #ReadingList2025 #BooksToRead #BookBucketList #FiveStarReads #Heritager #HeritagerIn #HeritagerBooks #TeamHeritager #HeritagerReads #IndianHeritage #IndianHistory #CulturalHeritage #Indology #HistoricalIndia #TempleArchitecture #AncientIndia #HistoryBuff #rootsandculture
Category: