ஃப்ராம் அருங்காட்சியகம் துருவப் பயணங்களின் வீர காவியம் | உலகஅருங்காட்சியகங்களினூடே ஒரு பயணம்
நோர்வே நாட்டின் தலைநகரான ஓஸ்லோ (Oslo), கலை மற்றும் கலாச்சாரத்தின் புகலிடமாகத் திகழ்கிறது. அங்கு பதிவு செய்யப்பட்ட 106 அருங்காட்சியகங்களில், உலகப் பயணிகள் மற்றும் வரலாற்று ஆர்வலர்களைப் பெரிதும் ஈர்ப்பது ‘ஃப்ராம் அருங்காட்சியகம்’ (Fram Museum) ஆகும். இது சாதாரணமான ஒரு அருங்காட்சியகம் அல்ல; மனிதனின் தேடல் மனப்பான்மைக்கும், அசாத்தியத் துணிச்சலுக்கும் சான்றாக நிற்கும் ஒரு வரலாற்றுப் பெட்டகம்.
ஃப்ராம் அருங்காட்சியகத்தின் தனித்துவமான அமைப்பு
1936-ஆம் ஆண்டு மே மாதம் 20-ஆம் தேதி திறக்கப்பட்ட இந்த அருங்காட்சியகம், உலகின் வட மற்றும் தென் துருவங்களுக்குப் பயணம் செய்து சாதனை படைத்த மூன்று மகத்தான மனிதர்களையும், அவர்கள் பயன்படுத்திய ‘ஃப்ராம்’ என்ற புகழ்பெற்ற மரக்கலத்தையும் சிறப்பிப்பதற்காக உருவாக்கப்பட்டது.
இதன் வடிவமைப்பு மிகவும் விசித்திரமானது. அருங்காட்சியகத்தின் மையப்பகுதியில் பிரம்மாண்டமான ‘ஃப்ராம்’ கப்பல் நிறுத்தப்பட்டுள்ளது. பார்வையாளர்கள் கப்பலைச் சுற்றி மூன்று தளங்களில் அமைக்கப்பட்டிருக்கும் கண்காட்சிகளைப் பார்வையிடலாம்.மேல் தளம் கப்பலின் முழுமையான தோற்றத்தை இங்கிருந்து காணலாம்.இரண்டாம் தளம் மாலுமிகள், ஆராய்ச்சியாளர்கள் தங்கிய அறைகள், சமையலறை, நூலகம் மற்றும் அவர்கள் ஓய்வெடுத்த இடங்களை நேரில் பார்க்கலாம்.கீழ்த்தளம் கப்பலின் இயந்திரப் பகுதி மற்றும் பயணத்திற்குத் தேவையான கருவிகள் சேமிக்கப்பட்ட இடங்கள் இங்கு உள்ளன.
‘ஃப்ராம்’ கப்பலின் பிறப்பு
வடதுருவத்தை ஆராய வேண்டும் என்ற உந்துதலில் 1891-ஆம் ஆண்டு நோர்வே அரசும், தன்னார்வலர்களும் திரட்டிய நிதியைக் கொண்டு இக்கப்பல் உருவாக்கப்பட்டது. புகழ்பெற்ற ஆய்வாளர் பிரிட்ஜோவ் நான்சன் (Fridtjof Nansen) வழிகாட்டலில், கப்பல் கட்டும் பொறியாளர் கோலின் ஆர்ச்சர் (Colin Archer) இதனை வடிவமைத்தார். துருவப் பயணங்களுக்காகவே பிரத்தியேகமாக உருவாக்கப்பட்ட உலகின் முதல் கப்பல் என்ற பெருமை ‘ஃப்ராம்’ வசம் உள்ளது.
துருவச் சாதனையாளர்கள் நோர்வேயின் மும்மூர்த்திகள்இந்த அருங்காட்சியகம் முதன்மையாக மூன்று மாபெரும் ஆளுமைகளைக் கொண்டாடுகிறது.
பிரிட்ஜோவ் நான்சன் (Fridtjof Nansen)
ஆய்வாளர், விஞ்ஞானி, சமூக நலச் செயற்பாட்டாளர் எனப் பன்முகத் திறமை கொண்டவர். 1893-1896 காலகட்டத்தில் வடதுருவத்தை நோக்கி இவர் மேற்கொண்ட பயணம் உலகப்புகழ் பெற்றது. கிரீன்லாந்தின் உட்பகுதியை ஸ்கீ (Ski) மூலம் முதன்முதலில் ஆய்வு செய்த குழுவிற்குத் தலைமை தாங்கியவர் இவரே. இவரது அளப்பரிய சமூகப் பணிகளுக்காக 1922-ஆம் ஆண்டு அமைதிக்கான நோபல் பரிசு வழங்கிக் கௌரவிக்கப்பட்டார்.
ஓட்டோ சுவேதுருப் (Otto Sverdrup)
நான்சனின் வடதுருவப் பயணத்தில் முக்கிய அதிகாரியாக இருந்தவர். நான்சன் கப்பலை விட்டு நிலப்பரப்பில் ஆய்வு செய்யச் சென்றபோது, ‘ஃப்ராம்’ கப்பலை வழிநடத்தும் பொறுப்பை ஏற்றார். 1898 முதல் 1902 வரை இரண்டாம் வடதுருவப் பயணத்தை மேற்கொண்ட இவர், கிரீன்லாந்தை ஒட்டிய பல புதிய தீவுகளைக் கண்டறிந்து வரைபடத்தில் இணைத்தார். அந்தத் தீவுகள் இன்றும் ‘சுவேதுருப் தீவுகள்’ என்று அழைக்கப்படுகின்றன.
ரோல்ட் அமுண்ட்சன் (Roald Amundsen)
தென்துருவத்தை (South Pole) முதன்முதலில் அடைந்து சாதனை படைத்தவர் என்ற பெருமை இவரையே சாரும். 1911-ஆம் ஆண்டு டிசம்பர் 14-ஆம் நாள், ‘ஃப்ராம்’ கப்பலின் உதவியுடன் இவர் தென்துருவத்தை அடைந்தார். மேலும், 1926-இல் விமானம் மூலம் வடதுருவத்தையும் அடைந்து, இரு துருவங்களையும் தொட்ட முதல் மனிதர் என்ற சாதனையைப் படைத்தார். துரதிர்ஷ்டவசமாக, 1828-இல் காணாமல் போன தனது குழுவினரைத் தேடிச் சென்றபோது நிகழ்ந்த விமான விபத்தில் இவர் மறைந்தார்.
துருவப் பயணங்களின் சவால்கள்
பூமியின் வட மற்றும் தென் முனைகள் கடுங்குளிரும், பனிக்கட்டிகளும் நிறைந்த கடினமான நிலப்பகுதிகள். அங்கே கப்பலில் செல்வது சாத்தியமற்ற ஒன்று; ஏனெனில் கடல் நீர் உறைந்து பனிக்கட்டிகளாக மாறி கப்பலின் நகர்வைத் தடுத்துவிடும். இத்தகைய சூழலில், ‘ஃப்ராம்’ போன்ற வலுவான கப்பல்களும், அங்கிருந்து பனியில் சறுக்கிச் செல்லும் ஸ்கீ கருவிகளும், நவீன காலத்து விமானங்களுமே பயணத்தைச் சாத்தியமாக்கின.
ஆய்வுகளின்படி, வடதுருவப் பகுதியில் சுமார் 4500 ஆண்டுகளுக்கு முன்பே மனிதர்கள் வாழ்ந்ததற்கான சான்றுகள் கிடைத்துள்ளன. இன்றும் நோர்வே, டென்மார்க், கனடா, ரஷ்யா போன்ற நாடுகள் இப்பகுதிகளில் தொடர்ந்து ஆராய்ச்சிகளை மேற்கொண்டு வருகின்றன.
மனிதனின் தேடுதல் எல்லைகளுக்கு அப்பாற்பட்டது. உலகின் அறியப்படாத மர்மங்களை அவிழ்க்கும் முயற்சியில் உயிர்நீத்த வீரர்களின் நினைவாகவும், நவீன அறிவியலின் தொடக்கப்புள்ளியாகவும் ‘ஃப்ராம் அருங்காட்சியகம்’ திகழ்கிறது. ஓஸ்லோ செல்லும் எவரும் தவறவிடக்கூடாத ஒரு வரலாற்று அதிசயம் இது!
ஃப்ராம் அருங்காட்சியகம், நோர்வே, ஓஸ்லோ, வடதுருவம், தென்துருவம், ரோல்ட் அமுண்ட்சன், பிரிட்ஜோவ் நான்சன், ஓட்டோ சுவேதுருப், துருவப் பயணம், கப்பல் வரலாறு.
#FramMuseum #Oslo #Norway #PolarExploration #RoaldAmundsen #FridtjofNansen #History #SouthPole #NorthPole #TravelTamil #MuseumsOfWorld #ScientificDiscovery#Book #Books #Booklovers #TamilBooks #TamilLiterature #SangamLiterature #TamilHistory #SouthIndianHistory #DravidianArchitecture #TamilReads #Kalvettiyal #Top10Books #MustReadTamil #BookRecommendations #BestSellers #ReadingList2025 #BooksToRead #BookBucketList #FiveStarReads #Heritager #HeritagerIn #HeritagerBooks #TeamHeritager #HeritagerReads #IndianHeritage #IndianHistory #CulturalHeritage #Indology #HistoricalIndia #TempleArchitecture #AncientIndia #HistoryBuff #rootsandculture
Category: